Top 10 Small Business Ideas for work from home in India

89 / 100

Hello Dosto! Aj ki is article me hum janenge aise Top 10 small business ideas ke bare jo ki ap ghar se kar sakte hain.

Ji Haan! Ap bad me thank you bolna pehle jan to lijiye;)

Ap ek housewife ho, Student ho, Mom ho, ya retired Dad ho. Lekin ap fir bhi kar sakte ho.

Note : Apki jankari ke liye batana chahunga ki Jin Small Business ideas ke bare me mai bat karne vala hu. Vo Kam samay me shuru kiye jane vale businesses hain. Lekin! Agr apne isme apna best diya. So bas ye km samay me apke Full time Business ko bhi piche chhodne ki takat rakhta hai.

Top 10 Small business ideas –

Maine in ideas ko 1 se 10 tak numbers me devide kiya hai. So 10vi se Shuru karenge or #1 yani sabse best tak jayenge.

So Chaliye shuru karte hain –

10) Online Trainer –

Small Business Ideas - Online Trainer

Top 10 Small Business Ideas ki list me #10th par hai Online Trainer.

Ap ek Online Trainer ban sakte hain. Ap jis bhi field me expert ho. Chahe vo Gym ho, Yoga ho, Dance ho, Music ho, Instruments ho ya or bhi bahut kuch.

Aise kai field hain jinme ap apni experties develop kar sakte hain. Or vo bhi BILKUL FREE ME!

Internet par aise kai Professional Trainers hain jo ye sb arts ko FREE me bhi sikhate hain or kuch Trainers Fees bhi charge karte hain.

Ap unse jakar sikh sakte hain. Or sikhne ke bad dusro ko sikha bhi sakte hain.

Isse apko do fayde honge. Sabse pehla ye ki ap jis bhi Art ko sikhne me interested honge vo ap sikh payenge. Or dusri, Ap logo ko sikha kar paise bhi kama payenge.

Internet par aisi kai websites hain jaise – Italki, Takelesson, Preply

Ye kuch websites hain jaha jakar ap koi nayi languege sikh sakte hain ya fir agr ap kisi languege ko achche se jante hain to ap use logo ko sikha bhi sakte hain.

TakeLessons is a platform where you can learn any skill. Like Guitar, Piano, Violin, Music, Singing, and many more.

– Takelessons

Is liye mera Recommendation hai ki ap us hi field me jaye jis me apko maja aaye. Sirf paise kamane ke irade se kisi bhi field me na chale jaye.

Scope –

For Example – Agr ap Guitarist ho, or ap personal trainer ki tarah logo ko sikhana chahte ho. So apke liye khushi ki bat ye hai ki ap Online or Offline dono tarike se hi sikha sakte hain.

Agr ap Offline training classes kholte hain to per student ap kam se kam 1000rs/month charge kar sakte hain. So apki income depend karta hai ki apke kitne students hain. Yaha ek Limitations ban jati hai.

Lekin agr ap Online Training platforms par jakar sikhaye to apke liye koi limitations nahi hogi. Or apko effort bhi sirf ek hi bar karna hoga. Sirf videos banate samay, Or un videos se hmesha koi na koi sikhta rahega or apko royalty milti rahegi :).

9) Online Tutor –

Small Business Ideas - Online Tutor

Top 10 Small Business Ideas ki list me #9th par hai Online Tutor.

Ap ek Online Tutor bhi ban sakte hain. Apne jis bhi Subject me Mastery ki ho ap un subject ko Students ko online padha sakte ho.

Iske liye Sabse badhiya Platform Youtube hi hoga vo sabko pata hai.

Or Agr nhi! Usse better option ye hai ki Ap apne subjects par classes ki videos record karke unhe sell bhi kar sakte hain.

Note : Agr ap Padhana chahte hain. Lekin ap khud jyada padhe nahi hai to bhi apko tension lene ki jarurat nahi hai. Internet par aisi kai Websites hain jaha par ap apne subjects se related courses ko join kar sakte hain.

Ji Haan! Internet par Online ke alava Academic education bhi karvaya jata hai. Jaise – Udemy, Unacademy, Adda24 ya fir Vedantu.

Ap in websites par jakar apni apne exams ki prepration ke sath sath apne subject par command bhi bana sakte hain.

Scope –

Agr ap Teaching ke field me interest rakhte hain to ye apke liye Golden Oppertunity hai. Kyoki Educational Field abhi Internet par Boom hona shuru hua hi hai. Abhi ek Successful business model banane ke liye apke pas dhero mauke hain.

Ap ise ab tk shayd offline karte aa rahe ho, Lekin ab ise online bhi kar sakte hain. jin websites ke bare me maine upr apko btaya hai. Ap un par jakar sikha sakte hain or apni knowledge or experience ke hisab se fees tay kar sakte hain.

8) Online Consulting –

Small Business Ideas - Online Consultant

Top 10 Small Business Ideas ki list me #8th par hai Online Consulting.

Agr ap kisi field me achcha kam kar rahe hain. To apke liye khushi ki bat hai. Ap un sabhi ke liye ek Online consult ke roop me kam kar sakte hain jo apke field me kam karna chahte hain ya kar rahe hai.

Jaise ki agr ap ek youtuber hain. Ap acha content dalte hain. Apke Youtube channel par ache khase subscribers hain. Logo ko apki videos pasand aati hai. So ap ek Youtube consultant ban sakte hain.

Ap un naye Youtubers ko paid consulting de sakte hain jinka channel grow nahi kar rha hai.

Ap unse one to one jakar bat kar sakte hain. Ya fir unko mail kar sakte hain. Ki kuch amount lekar ap unke channel ko grow karne me help kar sakte hain.

Jaise jaise apki reach badhegi, or ap sabko best value denge. Vaise-Vaise apki image as a Youtube Influencer ya Online Youtube Consultant ke roop me ban jayegi.

Scope –

isme koi do ray nahi hai ki Youtube kitna boom par hai. Or is bare me sab jante bhi hai. Yahi reason hai ki Sab apna khud ka Youtube Channel shuru karna chahte hain.

Lekin Problem ye hai ki sahi knowledge na hone ke reason se Sab log apne channel ko grow nahi kar pate.

Aise me unhe ek Mentor ya Kisi aise ki jarurat hoti hai. Jisse vo consult kar sake. Apne channel ko grow kar sake.

Note: Yaha maine example sirf Youtube ka diya hai. Lekin jaruri nahi hai ki ap ek youtuber hi ho. Ap kisi bhi field me consulting kar sakte hain.

Isme ap ghante ke hisab se bhi charge kar sakte hain. Or ap chahe to is par sesssions bhi kar sakte hain.

7) SEO ( Search Engine Optimization ) –

Search Engine Optimization

Top 10 Small Business Ideas ki list me #7th par hai SEO.

SEO ka matlab hota hai Search engine Optimization. Matlab ki kisi ki website ya Youtube videos ko search engines par Pehli rank karana.

Ye ek process hai Website building ki. Ap ise ek business model bana sakte hain.

Websites ya Blogging ka trend aj kal boom par hai. Aise me har business ka apna ek website hona bahut jaruri hota hai. Taki vo apne business ko ek online presence de paye.

So har ek business owner apni website banata hai ya banvata hai. Problem ye aati hai ki unke websites par visits nahi aate hain.

Aise me ye jaruri hota hai. Ki Unki website Google ke search me rank ho. Matlab ki koi jab unke business se related kuch search kare to unki websites pehli number par dikhe.

Ye kam SEO Experts ka hota hai. SEO ka to matlab hi hota hai Search Engine Optimization.

Ap ise ek business ka roop bhi de sakte hain. Ap unhe SEO Friendly content bana kar de sakte hain. Ya unke blogs par SEO Friendly Article kaise likhe jate hain vo bata sakte hain.

Scope –

Jaisa ki ap jante honge or maine bataya bhi. Ki Aj kal Websites or blogs ka Trend hai. Online Industry boom hone ke chalte Har Chhota ya bada business man apni ek online presense banane ke liye pure jatan karta hai.

So Common problem isme yahi aati hai ki unki websites jyada se jyada logo tak nahi pahuch pati. So Isme ap unki help kar sake, to sochiye apka business kaha tak jayga.

Ap unke business ko jyada se jyada logo tak pahuchane ka vada kare So vo apko apke kam ke liye achche paise dene ko bhi taiyar hote hain.

Note: Normally Ek SEO Expert ek website ka SEO karne ke liye $1000 tak bhi charge karte hain.

Ap kisi achche se marketer se SEO ka full course kar sakte hain. ya Bahut se aise marketers hain jo khud kai sare courses sell karte hain. Ap un se directly bat kar sakte hain.

6) SMM ( Social Media Marketing ) –

Small Business Ideas - SMM

Top 10 Small Business Ideas ki list me #6th par hai SMM.

Social Media Marketing ka matlab hai ki kisi business ke Online sabhi Social Media Platforms par Image Create karna. Unke brand ke liye Awareness banana.

For Example – Agr koi business abhi start hui hai. So Sabse pehle ek Business owner apne Product ya Service ke liye Social Media jaise Facebook, Instagram Whatsapp par Videos and banners ke roop me logo me awareness create karte hain.

agr apko Social Media ka shaok hai. So ap ise apna business model bana sakte hain.

Agr apke pas ek achchi khasi fan-Following hai to ye apke liye ek golden oppertunity ki tarah kam karega. Or agr nahi bhi hai so koi bat nahi hai.

Ap kisi brand ke sath jud sakte hain or unki Online presense create kar sakte hain. Diffrent Social Media platforms par unke brand ke nam se pages create karke regularly unke brand ke or unkr products ke Important updates ko logo tak aasani se pahucha sakte hain.

Or to or Shuruat me ap Paid ads se unke brand ke liye awareness create kar sakte hain. Jaise-Jaise us business brand ke products logo ko pasand aane lagenge. Vaise-vaise unki following badhti jayegi.

Fir apko bas karna ye hoga ki unke new products ki launching ke time ya fir purane priducts ke updates regular basis par logo tak pahuchate rehna hoga.

Scope –

Jaisa ki apne upr padha hi hoga. Isse ap Samajh hi gaye honge ki Social Media ka trend kaha tak faila hai. Or New Businesses or Branding ke contracts to aate the, aate hain, or aate rahenge hi na. har roj koi na koi business model lauch hota hi hai. So uske awareness create karne ke liye Social Media Marketers ki jarurat padti hi hai.

Aise me ek normal Social Media marketer bhi kisi business ko stabulish karne me average 1lac tak charge karte hai.

Note: Bataye gaye examples sirf ek example ki tarah diye gaye hain. So ise exact man kar na chale. Ye ap par depend karta hai ki ap kitne focus se apne kam ko karte hain or ap ki skill kitni achchi hai.

Top 5 Small Business Ideas –

Ab se ap jo bhi janenge ye ap kal aise Small Business Ideas hain jo Top 5 Online Businesses me aate hain.

5) SEM ( Search Engine Marketing ) –

SEM - Search Engine Marketing

Top 10 Small Business Ideas ki list me #5th par hai SEM.

Search engine yani Google ya bing ya fir yahoo. Isme se sabse popular hai Google.

Hume jab bhi kisi chij ke bare me jankari chahiye hoti hai to hum sidhe Google par jakar search karte hain or hume javab mil jata hai.

Jaisa ki apko Search Engine Optimization yani SEO ke bare me bataya gaya hai. Ye bhi bilkul SEO ki tarah hi hai.

Lekin Lekin Lekin!

Jis tarah SEO ki ek stretsfy hoti hai. This usi tarah SEM ki bhi apni ek stretagy hoti hai.

Jaha SEO ki madad se hum Google se Organic Traffic ko hum kisi website ke landing page par lane ki koshish karte hain. Vahin SEM se hum ke liye paid ads create karke Paid traffic ko kisi landing page par bhejte hain.

Ise hi Search Engine Marketing kehte hain. Jiski madad se hum paid Traffic ko kisi website ke landing page par bhejte hain.

Isme hum Search engines ke liye ads create karte hain. or unhe Search result me show karate hain.

Scope –

Agr SEM me scope ki bat ki jay to ye bahut simple sa concept lagta hai but isme kabhi-kabhi cost jyada lag jate hain. Lekin better conversion ke liye bahut si companies SEM ka istemal karti hai. Inme sabse popular hai E-Commerce Businesses.

Matlab ki Amazon Flipkart ya aise businesses jo online selling ka kam karti hai. SEM me SMM ke mukable conversion ke jyada chances hote hain.

Lekim iski cost bhi jyada hoti hai.

Note: SEM ka istemal jyada tar bade business ko market karne ke liye hi istemal kiya jata hai. Chhote businesses iske high cost hone ke reason se SEO or SMM ko jyada prefer karte hain.

4) E-Commerce Business –

E-Commerce Store Business

Ab bat aati hai sabse best businesses ki. Isme #4th num par hai E-Commerce Business.

Ab bat aati hai Sabse top level Businesses ki. Jinme 4th num par hai E-Commerce Business.

E-Commerce ka matlab hota hai Online Shop. Yani agr apne ek website bana rakhi hai or us par ap kuc products bech rahe hain. So ap keh sakte hain ki apka khud ka ek E-Commerce business hai.

Isko or ache se samjhne ki koshish karte hain –

For Example – Apki khud ki ek Website hai or ap use kisi alg chij ke liye istemal karte hain. Or ap us par apne kuch products bhi sell karte hain ya Affiliate Marketing ke jariye dusro ke products sell karte hain.

So Vo apki E-Commerce Websitee nahi kahi jayegi. E-Commerce ka matlab hai sirf ek online shop or kuch nahi. Jaise ki Amazon ya Flipkart. E-Commerce Site ka matlab hai bas ap us website par products ko list kare, Online Orders pick kare, or then un orders ko Deliver kare. That’s it!

E-Commerce ka business aj kal sabse jyada boom par hai. Vaise hai to ye ek cost-Effective business model. Lekin Cash on delivery ka concept launch hua hai. Tab se E-Commerce sabse best Business Models me se ek ban chuki hai.

Isse logo ko ye fayda hota hai ki chahe koi bhi saman ho. Unhe unke ghar par aakar milta hai. Plus Quality product and best price. So logo ko aaram milta hai. That’s why ab jyadatar log online shopping hi karte hain.

Scope –

Jaisa ki maine pehle hi bataya E-Commerce Business ek Cost-Effective business model hai. So Isme apko ek badi amount ke sath start karna ho sakta hai.

Lekin agr bat long-term business ki bat ki jay. To E-Commerce Business stabulish hone me jyada samay nahi lagata. Best quality peoducts, Best Price and the most important Time to time Delivery.

Ye E-Commerce ki power ka andaja ap is bat se laga sakte hain. Ki Duniya ki sabse badi E-Commerce company Amazon ke owner Mr. Jeff Bezoz aj duniya ke sabse Ameer (Rich) insaan hain.

Top 3 Small Business Ideas –

Yaha se ap aise top 3 business ke bare me janenge jo Internet par sabse teji se grow ho rahe hain. So chaliye jante hain –

3) Affiliate Marketing –

Affiliate Markeitng kya hai

Top 10 Small Business Ideas ki list me #3 par hai Affiliate Marketing.

Sabse Best business model ki list me 3rd num par Affiliate Marketing ko rakha jata hai.

Apne kai jagah dekha or suna bhi hoga ki,

Affiliate marketing = Andha paisa😉

Or ye sahi bhi hai. Aise kai log hain jo sirf Affiliate marketing karke Karodo ( Crores ) tak bhi pahuch gaye hain.

Affiliate Marketing ka matlab hai ki kisi dusre ke products ya services ko apne audience ko market karna. Matlab ki sell karna.

Ya fir, Yadi koi insaan kisi company ke sath jud kar unke products ko sell karta hai or badle me company usko us sell ka kuch percent amount commmision ke roop me deta hai. To is pure process ko Affiliate Marketing kehte hain.

Internet par kai aisi websites, E-Commerce websites hain. Jinke apne Affiliate program hote hain.

Jaise Agr E-Commerce ki bat ki jay to Sabse pehla nam Amazon Associate central yani Amazon Affiliate Program ka nam aata hai.

Affiliate Marketing kya hai or Amazon Affiliate Program se kaise jude is par maine apko pichle kuch articles me bataya hai so ap vaha jakar vistar se jan sakte hain.

Scope –

Agr bat ki jay ki Affiliate Marketing ki. So Top Online Businesses ki list me ye 3rd num par aise hi nahi aata hai.

Affiliate Marketing = Andha paisa

Bas apko jarurat hai sahi stretagies ki or Dedication ki. Isme ap chahe ho mahine ke 20-40000 tak kama sakte hain ya fin ek mahine me lakho ki income bhi kar sakte hain.

Affiliate Marketing me jaisa ki ap jante hi honge ki Apna khud ka product hona jaruri nahi hai. Ap dusro ke products ko promote karte hain.

So apko conversion strtagies ke bare me pata hona chahiye. Agr apko ye pata hai ki customer ko kaise convert karna hai So ap isme Andha paisa kama sakte hain.

2) Blogging –

Small Business Ideas - Blogging

Top Small Business Ideas ki list me #2 par aata hai Blogging ka concept.

Blogging ek bahut hi mushkil lagne vala bahut hi aasan kam hai. Agr apko likhna pasand hai or ap ache content likh lete hain. To apko fikar ki koi jarurat nahi hai.

Normally Bloggers Mahine ke 30-40000 tak kama lete hain.

Ek Blog banane ke liye agr ap kuch bato ka dhyan rakhe. To apka blog jaldi Successful ho sakta hai. Jaise-

  • Sabse pehle to apko ye decide karna hoga ki ap kis Field me likhna chahte hain. Apko sabse achi knowledge kis field me hai.
  • Apko ye pata hone ke bad apni knowledge ya informations ko logo ke sath share kar sakte hain.
  • Ek Blog create karne ka matlab hai ki ap kai tarah se paise kama sakte hain.
  • Jaise apne blog par ads dikha kar revenue generate kar sakte hain. Ya fir ap ache content writer ki tarah se kam kar sakte hain. Or to or ap paid consulting bhi de sakte hain.
  • Or ye sab kuch ap apne blog par bhi Offer kar sakte hain.

Ye to sirf ek Example par maine apko bataya ki ap apna khud ka blog hone par normally kya-kya kar sakte hain.

Aise or bhi kai tarike hain jisse ap paise kama sakte hain. Blogging kya hai or kaise karte hai vo maine pehle hi bata diya hai.

Scope –

Blogging me scope ke bare me puchna Shayd hasne vali bat hogi. Kyoki 90% log jante hain. Jab tak internet hai tab tak blogging hai. Google ke information ka sabse bada hissa blogs se hi to aata hai.

Google par daily trillions (Arbo-Kharbo) me queries ko search kiya jata hai. agr apne unme se kisi ek topic par bhi apna blog create kar liya or Google par use rank kara diya. To hisab ap khud hisab kar sakte hain ki apki Blog ya website par daily kitne visits aa sakte hai.

Or Google Adsence ki madad se hi ap lakho me kama sakte hain. To baki bade strtagies ka ap khud andaja laga sakte hain.

Small Business Ideas me #1 Business –

1) Youtube –

Small Business Ideas - Youtube

Aj ki date me Internet par paise kamane ya fir Top Small Business Ideas ki list me bhi sabse pehla nam Youtube ka hi aata hai.

Youtube Internet par paise kamane ka #1 source hai. Iska sabse bada karan ye hai ki Youtube par channel banana bilkul free hota hai.

Isme koi shak nahi aj kal har chij Videos ke through hi ho rahi hai. Or Video Marketing ka Trend sabse jyada Trend par hai. Aise me yadi apke pas koi skill hai. Ya fir kisi field me achi knowledge hai to ap videos ke form me use logo ke sath share kar sakte hain.

Youtube channel kaise banaye or Youtube channel kaise grow kare is par maine pehle hi kuch articles me bataya hai.

Agr apko ye janna hai ki Youtube se paise kaise kamaye to ap ye jan lijiye ki Youtube se paise kamaye nahi jate balki Youtube par paise banaye jate hain.

Uske alava apne kuch ache Creaters ke liye Youtube awards bhi deta hai. Jise hum Youtube Play Buttons kehte hain.

Yes! Now youtube is also a business. Ye an surf Sirf Small Business Ideas ki list me ata hai balki Youtube par kai tarah ke businesses kiye jate hain. Youtube par ap in tamam chijo par kam kar sakte hain –

For Example –

  1. Khud ki Videos bana kar paise kamanaAgr ap kisi field expert hain ya fir thodi bahut knowledge rakhte hain to ap videos ke form me apni knowledge ko logo ke sath share kar sakte hain. Or fir Google Adsence ki madad se apni Videos par Advertisments dikhakar paise kama sakte hain.
  2. Affiliate Marketing – Ap videos banane me jo bhi equipments ka istemal karte hain. Unke Affiliate links ko ap apne Videos ke Discription me add kar sakte hain. Jisse jab bhi koi apki achi videos ko dekhega. So vo apke Equipments me bare me jarur janna or Kharidna chahega. Jisse apko income hogi.
  3. Sponsership – Ap Youtube par Sponsership se bhi paise kama sakte hain. Agr apka channel grow ho chuka hai or apke channel par kafi jyada visiters aate hain. So apke channel or videos se related companies apko samne se Approach karegi ki ap unke Products ya servises ko promote kare. Badle me ap Sponsership Amount le sakte hain.
  4. Events Invitations – Agr ap koi motivational ya Education ya informational Videos banate hain or logo ko apke Videos kafi pasand aate hain. To apko kai sare events ke invitations bhi milenge. Jaha apko kuch time ke liye Stage par logo ko knowledge dena hoga. Or iske liye ap achi Fees bhi charge kar sakte hain.

Aise or bhi kai raste hain Jinhe agr main batane jau to Ye post kafi adhik lambi ho jayegi. Agr fir bhi ap janna chahte hai to ap Mujhse comments me puch sakte hain. Mai apko Youtube Earning Methods ki puri list de duga.

Scope –

Itna sab janne ke bad muje nahi lagta ki Youtube ke scope ke bare me batane ki or jarurat hai. Maine upar lagbhag sab kuch bata hi diya hai.

Lekin haan! ye sab sach ho paye iska koi mantra nahi hai. Apko Dedication, Consistancy ko maintain rakhna hoga. ye sab sirf kuch dino me possible nahi hai. Balki Long term tak ka khel hai. Lekin ap apne dedication se impossible ko bhi possible kar sakte hain.

Bas better result ke liye consistancy bahut jaruri hai.

Ending –

Umeed hai in Small Business Ideas me se apne kam ki chij khoj hi li hogi. Agr apko Article pasand aaya to ise baki dosto ke sath share kare. Or agr ab bhi man me koi Problem ya saval hai to befikr hoker comments me bataye.

Jaldi javad dene ki puri koshish jarur karunga.

Apne article ko last tak padha isse saf zahir hota hai ki ap kuch sikhne or kuch kar dikhane me yakin rakhte hain.

Or aise Action takers ki mai dil se respect karna hoon. Ap mujhse direct judne ke liye niche form me apna nam, Email, or Mobile Number jarur de sakte hain. Taki aisi jankari main direct apke Mobile par de saku.

Thank You! 😉

Share this on-

Leave a Reply

This site uses Akismet to reduce spam. Learn how your comment data is processed.