Social Media Marketing kya hai | SMM Explained in Hindi 2020

Hello Dosto! Aj ki is article me ap janne vale hai Social Media Marketing yani SMM ke bare me. Ji haan! SMM ka full form hai ” Social Media Marketing “. Shayad ap jante honge ki Social Media kya hota hai or kuch Social Media Platforms par apke accounts bhi honge. Lekin Shayad hi apne kabhi suna hoga ki ap Social Media par paise bhi kama sakte hain. or Sirf paise hi nahi khud ko ya apne Business Brand ko Billions of peoples tak pahucha sakte hain.

Shayad sun kar thoda ageeb lag raha hoga. Lekin chaliye jante hai kaise –

Social Media –

Ap to jante honge ki kon kon se social media platforms aj ki date me available hain. Lekin kabhi apne gaur se socha hai ki aakhir Social Media hoti kya hai?

Social Media ek platform hai jaha kai dher sare log ek sath judte hai. Batein karte hain. Ek dusre ko recommendations share karte hain. Or dher sare ka mtlb 100-200 mat maniyega. Ye ginti lakho me nahi karodo me bhi nahi khatam hoti. Balki ye ginti Arbo ( Billions ) tak chali jati hai. Agr sirf Facebook ki bat ki jay, to 1.62 billion Facebook par daily active user hain.

So isme koi shak nahi hai ki Facebook ki reach pure all over world me hai. So ap soch sakte hain ki kitna scope ho sakta hai. Agr ap Facebook ke jariye apne business ko market kare to. A very Huge Network you can make on Facebook.

Isi se ap baki ke sare social Medias ko samajh sakte hain. Agr sirf ek Facebook ke jariye ap Billions of people tak apne products ya Brand ko pahucha sakte hain. To jara sochiye. Agr ap Diffrent Social Media Platforms ko ek sath lekar chalenge to apki business growth kaha tak pahuch sakti hai.

Yahi se ek scope nikal kar aata hai jo ki hai – Social Media Marketing. Ab chaliye ise samajh lete hain.

What Is Social Media Marketing?

Jaisa ki apne jana ki Social media is like a market where most of the Internet user exist. Matlab ki Social Media ek aisa platform hai jaha lagbhag sabhi Internet User Exist karte hain. So Marketers ise ek Huge market ki bhi tarah istemal karte hain.

In Short,

Apne brand ko market karne ke liye ya fir Apne Product ya service ki awareness ko badhane ke liye Social Media ka istemaal karne ko hi Social Media Marketing kehte hain.

So itne me hi ap Social Media Marketing ko samajh hi gaye honge. Agr ap ab bhi confuse hain to mai apko bata du ki Social Media Marketing ko log shirt form me bhi samajhte hain. Jaise “SMM”.

Social Media Platforma s kai tarah ke hote hain. Jaise Content bhi kai trh ke hote hain. Jaise – Text, Image, Video, GIF. Vaise hi Social Media bhi Kai tarah ke hote hain. Jaise Text form ke liye Twitter, Facebook. Video form ke liye Youtube, Likee. Image ke Liye Instagram, Pinterest, Facebook.

Types of Social Media Marketing –

Jaisa ki maine bataya ki jis tarah Content kai tarah ke hote hain thik usi tarah Social Media bhi kai tarah ke hote hain. Diffrent type ke contents ko promote karne ke liye diffrent type ke social media ka istemal kiya jata hai. Aiye ise deep me jante hain.

Facebook Marketing –

Social Media Marketing type  - Facebook

Social Media ke nam par sabse pehla nam Facebook ka aata hai. Aisa is liye bhi hai ki yahi ek aisa platform hai jis par sabhi type ke content ( Image. Video, Text, GIF ) ko dekha jata hai, Istemal kiya jata hai or promote bhi kiya jata hai. Facebook par lagbhag sabhi type ke content publish kiye jate hain. or dusre logo dvara use Like, Share, Or man-mutabik comments bhi hote hain.

Yaha Facebook par khud bhi do tarike se marketing ki jati hai. 1) Free or 2) Paid Promotion. Inko bhi jan lete hain.

Free Promotion –

Facebook par Free Promotion ka matlab hai Genuine Post karna. Matlab kya ki Ap apne Product ya Service ya fir apne Business Brand se related kis tarah ki ( Image , Video, or Text ) post create karte hain or use post karte hain. Isme apke post ko jyada se jyada logo tak pahuchane ka sabse best tarika hai Hashtags ( #tags ). Ji haan! Hashtags sabse best option is liye hai kyoki iski madad se koi simply kisi text ko search karta hai to us hashtags ko jin-jin posts me istemal kiya gaya hoga vo turant apke samne list ho jayegi.

Social Media par kisi keyword se kuch search karne se behtar hai ki ap us keyword se related hadhtags ko search kare. Usse related content turant show ho jayega. Or to or jin-jin logo ne us tag ko istemal kiya hoga unki profiles ki bhi list apke samne aa jayegi.

Paid Promotion –

Paid Promotion ke jariye hum Facebook ko kuch amount pay karte hai taki humari post ya content jyada se jyada logo tak pahuch paye.

Jaisa ki ap jante hain ki Facebook ke pass har alg-alg topics ya interest se related huge traffic hai. So Facebook ne ek service launch ki Paid Traffic ki. So log kisi specific topic se related post create karte hain or Facebook se kehte hain ki ap is topic se related ya is topic me interested logo ko humari ye post dikhao. Ap chahe to facebook ko bata sakte hai ki apki post ko kis county, State ya city me dikhani hai. Ise hum Facebook par Paid Marketing kehte hain.

Isme apko option diye jate hain. Ki ap ek sath kai countries me apne Ads dikha sakte hain. Ya fir kisi ek specific country ya fir state ya fir kisi ek city me bhi. Ap chahe to bahut badi sankhya me logo ko apne Ads dikha sakte hai. Ya fir ap chahe to kisi chhote se sheher me rehne vale logo tak hi apne Ads ko dikha sakte hain. Yaha tak ki ap kisi ek topic me interest lene vale kuch specific logo tak ap apne Ads ko dikha sakte hain. Isme customization ki koi limit nahi hai.

Instagram Marketing –

Social Media Marketing type - Instagram

Jaisa ki ap sabhi jante hi honge ki ab Instagram ki parent company Facebook hi hai. So is par Ads show karne ka access bhi Facebook ke pas hi hai. Instagram ek Image Oriented Social Media Platform hai. So Is par jyada tar Image ya Video related Ads show kiye jate hain. Is par Text ke form me Ads nahi chalaye jate hain.

Jaise Ap Facebook par Ad account create karte hain. So jb bhi ap Facebook par Ad run karne jate hain. usme apse pucha jata hai ki ap Facebook par kaha-kaha Ad dikhana chahte hain or usi list me Instagram ka option bhi hota hai.

So agr apko Instagram par Marketing karni hai. Ap Facebook ke through kar sakte hain.

Whatsapp Marketing –

Whatsapp

Agr ap Whatsapp User hain so apko Whatsapp ke interface ke bare me pata hoga hi. Whatsapp ek aisa platform hai jaha par contacts ki limitations hoti hai. Ap unhi logo tak pahuch sakte hai jinhone apke Whatsapp num ko apne Phone me save kiya ho ya Jinke Whatsapp numbers ko apne apne phone me save kiya ho.

Whatsapp ek Smartphone related platform hai. Lekin is par bhi marketing ke dhero options available hain. Log apne Lead generation forms ke jariye apke whatsapp numbers bhi collect karte hain. or bad me unhi whatsapp numbers ki ek list ke jariye Whatsapp par apne products ya services ya fir apne Business Brand ki marketing karte hain.

Normally Whatsapp par consulting bhi ki jati hai. Ya fir Whatsapp ko ek Customer Interaction tool ke roop me bhi istemal kiya jata hai.

Twitter Marketing –

Social Media Marketing type - Twitter

Agr ap Twitter istemal karte honeg ya fir twotter par apka account hoga to apko pata hoga. Ki Twitter par usually Text form me hi content ko publish kiya jata hai. Apko sirf 140 Character me hi apne post ko complete karna hota hai. Isme pehle Images ya Videos ke options nahi the. Lekin ab ap isme Images or Videos ka istemal bhi kar sakte hain.

Ab ap soch rahe honge ki Twitter ekdm Facebook ki tarah ho to hai. Haan hai! Lekin isme kuch fark bhi hai.

Twitter par ap sirf 140 characters me hi apni post ko complete karte hain jabki Facebook par content ko publish karne ke liye koi limitations nahi hoti hai.

LinkedIn Marketing –

Social Media Marketing type - LinkedIn

Ye ek aisa Social Media Platform hai jaha jyadatar batein ya posts Business se related hi hoti hai. Usually is par Business Professionals hi apko milenge. Yaha par diffrent types ke Business Owners apna profile ya pages create karte hain. Apne Business se related posts or updates share karte hain. LinkedIn ki sabse khas bat ye hai ki yaha par Jobs bhi mil jati hai.

Diffrent Types ke Business Owners apne diffrents needs se related newbies ya Professionals ko hire karne ke liye campaign run karte hain. Recruitment karte hain. Log apne Skills ke basis par unke campaigns par jakar apply karte hai. Business Owners unke Skills or apne need ke basis par hiring karte hain.

LinkedIn par Businesses ko naya market create karne ka mauka milta hai. Yaha par har field ke Experts ya fir Professionals available hote hain.

Pinterest Marketing –

Pinterest

Shayad apne Pinterest ka nam nahi suna hoga. Ya ho sakta hai suna bhi ho or istemal bhi kiya ho.

Mai aisa apko is liye bata raha hu kyoki usually Pinterest par Indian Traffic bahum kam hai. Matlab India me Pinterest ke user km hai. Iske jyadatar Traffic US, UAE jaise countries se aate hain.

Pinterest bhi Instagram ki tarah Image based Social Media Marketing ka ek jariya hai. Bas fark itna hai ki is par hum Image ke form me posts create karte hain or niche apna link bhi add kar sakte hain. Isi liye Pinterest ko Affiliate Marketing ke liye sabse best tool ke roop me bhi istemaal kiya jata hai.

Or aise kai or bhi social media platforms hai. Agr mai list banane laga to apko hafto ( Weeks ) lag jayenge is article ko khatam karne me.

Youtube Marketing –

Social Media Marketing type - Youtube

Youtube duniya ka dusra sabse bada Search Engine hai. Or iska sabse bada reason ye hai ki ye ek Video Oriented Platform hai.

Jaisa ki ap sab jante hi honge ki 2020 me Videos ka trend kis mukam par hai. Internet par 90% data consumption Videos par hi hoti hai. So Videos se related sabse bada platform Youtube hai. Log ab contents ko padhne se jyada Dekhna or sunna pasand karte hain. Yahi sabse bada reason hai ki Videos se ki jane vali marketing sabse jyada conversion create karke deti hai. So Youtube Marketing bhi sabse jyada Boom par hai.

Ap bhi youtube par videos dekhte hi honge. So Videos ke bich me achanak se koi or video chalne lagti hai. Usme apke samne kisi product ya service ki promotion ki jati hai. Inme se kuch videos aisi hoti hai jinme seconds ke bad Video Skip karne ka option mil jata hai. or kuch Videos Ads me to Skip karne ka option bhi nahi milta. Apko vo Ad tab tak dekhni hogi jb tk ki vo khtm na ho jaye.

Different type of Social Media Marketing –

So jaisa ki maine pehle hi bataya ki Social Media kai tarah ke hote hain. Jaise Tik-Tok, Gmail, Snapchat,Or sabse alg-alg istemaal bhi hain. Or un sabhi par apne Business Brand ya fir kisi product ya service ke liye promotion do tarah se kiye ja sakte hain. Ek to Free or dusta Paid.

Ab ye ap par depend karta hai ki ap kis Social Media Marketing Stretegy ko apnate ho.

Ending –

So is article maine apko batane ki koshish ki ki Social Media Marketing kya hai or diffrent types of Social Media platforms ke bare me bhi batane ki koshish ki.

Umeed hai apko ye article pasand aaya ho. Agr apko achi lage to ap ise apne dosto ke sath share jarur kare. Taki unhe bhi to pata chale ki jin Social Media platforms par vo din ka jyada samay bitate hain. Vahi unke kitne kam aa sakta hain. Ek dost hone ke naate apka ye farj bi banta hai.

So keep Reading and I love you all! 😉 <3

Share this on-

Leave a Reply

This site uses Akismet to reduce spam. Learn how your comment data is processed.