Freelance kya hai | Freelancing kaise shuru karen

Hi! Aj ki is post me mai bat karne vala hu Freelancing ke bare me. So Freelance kya hai or freelancing kaise shuru kare Or ye post un logo ke liye bahut best hone vala hai jinhone recently apna intermidiet ya graduations complete kiya hai ya karne vale hain.

Kyuki ab ap vacations ko enjoy karne vale ho. So kyu na is Vacations me apne aage aane vale vacations ko pehle se or bhi shandar banaya jay. Kyu na is vacations, kisi ek skill me masters karte hain or us skill ke bases par ap mahine ke 5000 se lekar 15000 rs tak kama sakte ho.

Lekin Friends Koi bhi kam me Quick Result ki umeed rakhna bevkufi hai. Koi bhi Vyapar ya Business tabhi Successful hai jab ap customer tak kuch value pahucha pate hain. So ap customer tak tabhi value pahuchate hai jab ap me koi value ho, Jab apki koi value ho Jo ap sirf sikh kar hi bana sakte hain. 🙂

So Agr ap Bhi yahi soch rahe hai ki Aj aapne freelancing Shuru ki or apki earning shuru ho gayi to Shayd ap Galat soch rahe hain. Recreations apko kabhi kisi froud ke bare nahi batayga. Cheers! 😉

So Aapne Online Earnings ke bare me jarur suna hoga Ki Internet se bhi paisa kamaya ja sakta hai or agr nahi jante to bhi apke liye ek Cheers Moment hai. Ap yaha click karke Naye tariko ko jan sakte hain. isme se ek hai Freelance. Ab freelance ko janne se pehle ye jan lete hai ki Freelance kya hai or Freelancers kon hote hain ya freelancers kon ban sakta hai. 🙂

Freelance kya hai –

Freelance kya hai

Freelance ek tarah ki process hi hoti hai jisme koi ek insaan kisi ek skill me expert hota hai or kisi dusre insaan ko usi skill ki jarurat hoti hai apne kam ko pura karne ke liye. So Vo dusra person us pehle person ko Online hire karta hai kuch time ke liye or usse apna kam krne ko kehta hai or badle me vo pehla insaan apne skill ke base par usse paise leta hai.

For Example– Delhi me ek Aadmi hai Jiska nam Rohan hai jise Graphic Designing ki kafi achi knowledge hai.

Or vahi dusri taraf Caneda me ek Aadmi hai jiska nam Jack hai. Ab jack ek Website banana chahta hai or use Ilustrations bnane ke liye ek Graphic Designer ki jarurat hai. To vo Internet par Rohan ko search karega or Usse apne kam ki details dega.

Rohan Jack ke kam ki details dekh kar apne mutabik Apni value yani ki paise bata dega ki itna lunga mai apka kam karne ke liye. fir vo apna kam pura karke jack ko Handover kar dega Or badle me jack rohan ko uske bataye value (price) ko use de dega kar dega.

So ye pura process jaise jack ke project ka rohan ko dena, Rohan ka kam pura karke Jack ko dena and then Jack ka Rohan ko pay karna Freelance me ye sab online hota hai is pure process me Rohan ne ek freelancer ki tarah kam kiya.

Freelance kya hai or kon-kon kar sakte hai –

FREELANCERS KON HOTE HAI

Ise sadharan bhasha me samjha jay to Freelancers Vo sare log hote hain jo kisi Skill me mahir hote hain or us skill ko internet par bech kar paise kamate hain.

Matlab ki freelancers kisi ek ya ek se adhik (Computer) skill me Master hote hai ya expert hote hain. Agr ap bhi Freelancer banna chahte hain to apko bas karna ye hai ki Apko kisi ek Computer ki skill me masters karni hai matlab us skill ko puri tarah se sikh kar, apne se kuch practice projects banakar puri tarah se ek Freelancer ban jana hai. Bas! 😐

Ab mai apko batata hu ki ek freelance Job me kya-kya fayde hote hai –

Freelance jobs ke fayde –

Freelance Job me sabse bada fayda hota hai-

1) Koi boundry nahi hoti –

Freelance kya hai

Freelancing jobs me sabse bada fayda ye hota hai ki apko kisi bhi chij me koi boundries nahi hoti hai. Jaisa ki apne Example me dekha ki Rohan Delhi me yani India me rehta hai or Jack Caneda me. Fir bhi un dono me Interaction hua or Dono ne Ek dusre se values exchange ki. Or dono ne ek dusre ko value provide ki.

So Freelancing ki jobs me apke liye koi boundry nahi hai ki ap kisi bade city me rehte hain ya Kisi chhote se ganv ( Village) me, Ap kahi bhi baith kar duniya bhar me Apni skill ki madad se freelancing karke paise kama sakte hain.

2) Asimit samay –

Freelance kya hai

Freelancing ki jobs me ap koi project kab complete karenge ye ap khud tay karte hain So Isme samay ki koi Seema nahi hai.

Ap apni marji se Subah uth sakte hain, Fresh hokar, Nashta-vashta karke aaram se kam karne baith sakte hain or jitne marji chahe kam kar sakte hain. Or kam Khatm hote hi use client ko Deliver karke apna payout le sakte hain.

3) Apna khud ka Price –

Freelance kya hai
Blank label template price tag icon isolated with long shadow. Empty shopping discounts sticker. Template discount banner. Flat design. Vector Illustration

Freelancing ki jobs me Ap khud apna payout apni marji ke mutabik tay jkar sakte hain. Agr apko lagta hai ki ap kisi skill me expert hain or Apse acha us feild me koi or kam nahi kar sakta to ap kisi project par kam karne ke liye apna payout khud decide kar sakte hain. Or agr client ko satisfaction milta hai apke kam se, To vo bhi apko apke man mutabik Price value provide karta hai.

4) Full Control –

freelance kya hai

jab ap Freelancing kar rahe hote hain to apka koi Boss nahi hota hai. Ap khud ke Boss Khud hi hote hain. Koi apko control karnevala nahi hota hai. Ap jab chahe kam Shuru kare, jab chahe relax le le or fir jab chahe fir se apna kam shuru kar sakte hain.

Ab In saare Benifits ko Jan kar logo ke muh me pani to aa hi jata hai ki “Kaash! mai bhi is tarah ki job kar pata ya Mujhe hi is tarah ki job mil jati” to Kya apke man me bhi ye saval hai ki “Kya main bhi ye job kar sakta hu?” to javab hai Haan! Ap bhi kar sakte hain.

Ab ap soch rahe honge ki Agr Mujhe pehle pata hota ki Freelance kya hai to maine pehle hi Shuru kar chuka hota. Lekin mai apko bata du ki abhi bhi der nahi hui. Ap abhi bhi shuru kar sakte hain.

Lekin Freelancing jobs ko start karne se pehle ye jan lete hain ki Freelancing me Kin-kin skills ki Jyada demand hoti hai jinhe ap sikh kar freelancing me aa sakte hain. Freelance ke platforms par Sign Up karne se pehle apko un skills ke bare me jan lete hain jo is field me apke kam aane vali hai.

Link- Ideas for small Businesses in hindi

Freelance jobs karne ke liye jaruri skills –

Freelancing me kuch common skills hoti hain jinki demand kafi jyada hoti hai is field me, So agr ap in Kuch skills me masters kar lete ho to ap Freelancing me bahut achcha kar sakte ho. So Skills are here-

1) Graphic Designing –

Graphic Designing

Graphic Designing Sun kar ya padhkar bada havy sa lagta hai jaise koi rocket science ho. Lekin Koi khas Rocket Science nahi hota hai. Mai apko kuch examples se samjhane ki koshish karta hu ki Graphic Designing hoti kya hai.

Jaise yadi ap koi website ap open karte ho to ap dekhte honge ki usme kai alag-alag tarah ke designs bane hote hai kafi colorful, Vo sare designs graphics ki madad se bante hain. Jaise Banners, Background Images, Icons, Logos, Video Graphics Or bhi bahut se kam graphic designing ki madad se ki ja sakti hai. Or to or ise sikhne me apko boring nahi balki dugna fun ayga.

Or isme experiments karke ap ise achche se sikh sakte hain.

2) Content Writing –

Content Writing

Ye kafi simple but Extra Ordanary skill hoti hai. yadi apko likhne ka Shauk hai to ap isme kafi achcha kar sakte hai. Isme Apko bas Likhna hota hai. Jitni apki thinking creative hogi ap utna achcha content likh payenge. Letter Writing, Blog posts writing, Page contents, Web Content, Social Media Posts, Testimonials or bhi bahut se kam Content writing ke andr ap kar sakte hain.

3) Website Designing and Blog Creation –

Web desigining and blog creation

Aj ke date me freelancing ki help se mai bhi ye kam karta hu or Apna khud ka blog bhi run karta hu.Isme asal me hota kya hai ki Clients ko apni website ya blog banani hoti hai.

So vo aise logo ko search karte hain jo unhe unke accroding website ya blog create karke de. Client apko apne website ya blog ka blue print banva kar apko dega ya to apne ideas apke sath share karega or uske hisab se apko sabse pehle blueprint taiyar karke client se approval lena hoga.

Client se approve hone ke bad apko Domain name or hosting purchase karke us website ka ek live preview banana hoga. client ko dikhakar uske anusar kuch modifications kar sakte hai. Fir Finally Website me contents dalkar use live karke client ko de sakte hain.

Is pure process me apko Graphics ki bhi thodi jarurat padegi. Or Website Designing or devolpment ke sath saht apko clients ke point of views ke bare me bhi pata hona chahiye.

Link- Blogging kaise kare.

4) Photography & Videography –

Photography and Videography

Aj kal ye talant trend me hai. Logo ko photography or Videography ka bahut shauk hai. But Log ye nahi jante ki vo log apne in talant ya shauk ko vo monetise bhi kar sakte hain.

Matlab isse paise bhi kama sakte hain. Bas chahiye to sahi jankari or Tarike. So Photography ke bare me to sab hi jante hain. Lekin Agr freelancing ki bat ki jay to isme kuch jagaho par photographers ki ya videographers ki jarurat padti hi hai.

Jaise Indore ad shooting ya outdoor Shooting ya fir Website banners ke liye Scenes ki pictures ya fir website me istemal karne ke liye alg-alg categories ki pictures ki jarurat padti hi hai So Clients Freelancers ko hire karte hai.

5) Photo / Video Editing –

Photo Editing and video Editing

Ye aj kal Lagbhag sabhi ko karna aata hoga. Beshak Apko bhi 😉 Facebook DP ho ya fir Whatsapp ya fir Instagram. Sabhi Social Media platforms par Teenagers ki activness bani rehti hai.

Aise me logo ko Achi-achi Pictures khinch kar Edit karke DP lagane ka bahut shauk hota hai. Lekin ap apne is shauk ko Monetise kar sakte hain. Matlab ki Ap Digital marketing me Photo Editing ya Video Editing karke paise bhi kama sakte hain.Khas kar Video Editing me kafi achcha scope hai.

Ads Creations me Video editors ki kafi demand hoti hai. Diffrent platforms par ads show karne ke liye us platform ke hisab se ads ko edit karke hi show kiya jata hai. So Clients Video Editors ko hire karti hai.

Or Aise kai or bhi skills hain jinhe mai yaha batane jau to ye post kabhi khtm hi nahi hogi. jinhe Sikh kar ap Freelance jobs me kafi achchi income kar sakte hain. Agar ap sari Skills bilkuk detail me janna chahte hain to mujhe Whatsapp ya facebook Gmail ke jariye Bata sakte hain.

Mai Excel sheet me Sabhi skills ki list, Unke benifits, or kaise sikh sakte hain vo bhi bata dunga. Or yadi ap in skills ko bilkul free me sikhna chahte hain to apko right side bar me Apni email id or whatsapp number dal de. Mai koshish karunga ki apko jankari Email or whatsapp ke jariye deta rahu 😉

So yaha apne jana ki Freelance kya hai or Iske kya kya fayde hai or aise kon-kon se skills hain jinhe ap sikh kar aj se hi Freelancing Shuru kar sakte hain. Ab apko ye janna hai ki Skills me to mastery kar li ab kam shuru kahan kar, To iske liye freelancing ki kuch websites hoti hai jinme se ek hai Upwork. Ab ye kaise kam karta hai iske liye apko thoda sa intejar karna hoga. Tab tak ap inme se koi skill ko choose karke Sikhna shuru kar de.

So Vacations Ko enjoy ke sath-sath Profitable bhi banane ko taiyar hain? agr haan! to kya akele hi karenge apne dosto ko sath nahi lenge? Company ho jaygi. Jyada se jyada dosto tak ye post apni sabhi Social Media Profiles ke jariye share kar de. Niche In links par click kare. Or aisi knowledge full posts apne phone par email ke jariye pane ke liye Right Side me Form ko Fill up karke sign up karle. Taki jab bhi koi nayi post aaye to mai khud apko inform kar pau. Stay Blessed;)

Share this on-

Leave a Reply

This site uses Akismet to reduce spam. Learn how your comment data is processed.